ཡོངས་ཁྱབ་དྲུང་ཆེན།
སློབ་དཔོན་ཀརྨ་རྒྱལ་མཚན་མཆོག་ སྤྱི་ལོ་ ༡༩༨༡ ཟླ ༣ པའི་ཚེས་ ༢༡ ལོར་ འབྲུག་དགེ་ལེགས་ཕུག་ གཡུས་གསེར་གཞོང་ལུ་སྐུ་འཁྲུང། དགུང་ལོ་ ༧ བཞེས་པའི་ སྤྱི་ལོ་ ༡༩༨༧ ལོར་ གསེར་གཞོང་བློ་གསར་སློབ་གྲྭ་ནང་འཛུལ་ཞུགས་གནང་སྟེ་ རིམ་པར་སློབ་རིམ་དྲུག་པའི་བར་སློབ་སྦྱོང་གནང་ཡོད། སྤྱི་ལོ་ ༡༩༩༣ ནས་ ༡༩༩༩ བར་དགེ་ལེགས་ཕུག་ རབ་སྡེ་གྲྭ་ཚང་གནང་འཛུལ་ཞུགས་གནང་སྟེ་རང་ལུགས་དཔལ་ལྡན་འབྲུག་པའི་བཀའ་རྒྱུད་ཀྱི་ཀུན་རྫོབ་ཕྱག་ལེན་ལུ་སློབ་སྦྱོང་གནང་སྟེ་ སྤྱི་ལོ་ ༢༠༠༠ ལོར་སྒང་སྟེང་བཤད་གྲྭ་ནང་འཛུལ་ཞུགས་གནང་སྟེ་ མདོ་སྔགས་རིག་ཞུང་རྒྱ་མཚོ་ལུ་སློབ་སྦྱོང་ རིམ་པར་མཛད་ནུག
དེ་གིས་མ་ཚད་པར་ སྤྱི་ལོ་ ༢༠༠༨ལོར་ ༧ སྐྱབས་རྗེ་སྐུ་ཕྲེང་བདུན་པ་སྒང་སྤྲུལ་རིག་འཛིན་ཀུན་བཟང་པདྨ་རྣམ་རྒྱལ་ཞབས་ ཀྱིས་བཀའི་གནང་བ་ལྟར་དུ་ཕྱི་རྒྱལ་ ཤི་རི་ལངྐཱའི་རྒྱལ་ས་ ཀོ་ལོམ་བོའི་གཙུག་ལག་སློབ་གྲྭ་ཆེན་མོ་ནང་འབད་གནའ་དུས་ ནང་པའི་གསུང་རབ་འཛིན་པའི་སྐད་ཡིག་ པཱ་ལི་དང་ ལེགས་སྦྱར་ལྷའི་སྐད་ སཾསྐྲྀཏ་ལུ་ ལོ་ངོ་བཞིའི་་རིང་སློབ་སྦྱོང་གནང་སྟེ་ གཙུག་ལག་སློབ་གྲྭ་ཆེན་མོའི་ནས་མཐར་ཕྱིན་ཡོད། དེ་ལས་ཕྱི་ནང་གཉིས་ཀྱི་ནང་དོན་རིག་པ་དང་མཚན་ཉིད་རིག་པའི་གྲུབ་ མཐའི་སྐོར་ སྤྱི་ལོ་ ༢༠༡༡ ཟླ་ ༡༢ པའི་ ཚེས་ ༢༥ ་ལུ་ ཀོ་ལོམ་བོའི་ གཙུག་ལག་སློབ་གྲྭ་ཆེན་མོའི་ནང་ལས་གཙུག་ ལག་ཤེས་ཡོན་གྱི་བསླབ་སྦྱོང་ཐོན་ཡོད། གཙུག་ལག་ཤེན་ཡོན་མཐར་ཕྱིན་པའི་རྗེས་སུ་ སྒང་སྟེང་མཐོ་རིམ་བཤད་གྲྭའི་སམ་ སྐྲྀཏའི་ལེགས་སྦྱར་བ་འབད་ ལོ་ངོ་གསུམ་གྱི་རིང་ཕྱག་ཞུ་ཡོད། གཞན་ཡང་སྔ་འགྱུར་རྙིང་མའི་བསྟན་བདག་ སྐྱབས་རྗེ་ ༧ སྒང་ སྤྲུལ་རིན་པོ་ཆེ་མཆོག་ ༧ སྐྱབས་རྗེ་གྲུབ་དབང་པདྨ་ནོར་བུ་རིན་པོ་ཆེ་མཆོག་ སྐྱབས་རྗེ་གསུང་སྤྲུལ་རོན་པོ་ཆེ་མཆོག་ སྐྱབས་རྗེ་ནམ་སྙིང་རིན་པོ་ཆེ་མཆོག་དང་དཔལ་ལྡན་འབྲུག་པའི་ཆོས་ཀྱི་དབུ་ཁྲིད་༸སྐྱབས་རྗེ་རྗེ་མཁན་རིན་པོ་ཆེ་སོགས་ལས་ སྔ་འགྱུར་རྙིང་མའི་དབང་ལུངའཁྲིདགསུམ་དང་བསྐྱེད་རྫོགས་སོགས་ཞུས་ཡོད། ད་ལྟོ་གཏེར་སྟོན་ཆེན་པོ་རིག་འཛིན་པདྨ་གླིང་ པའི་རིང་ལུགས་ཀྱི་བདག་པོ་གཙོ་བོ་སྐྱབས་རྗེ་སྒང་སྟེང་སྤྲུལ་སྐུ་སྐུ་ཕྲེང་ ༩ པ་ རིག་འཛིན་པདྨ་རྣམ་རྒྱལ་མཆོག་དང་བློ་གཏད་བཀོད་ཚོགས་ཀྱིས་འབྲུག་གཞུང་ཆོས་སྡེའི་བཅའ་ཁྲིམས་ ༢༠༠༧ ཅན་མའི་དགོང་དོན་དང་འཁྲིལ་ཏེ་གཞི་བཙུགས་གནང་ཡོད་པའི་ པད་གླིང་ཆོས་ཀྱི་དགའ་ཚལ་ནང་ ལས་རིམ་འགོ་དཔོན་འབད་ཕྱག་ཞུ་བཞིན་ཡོད།།
