བློ་གཏད་བཀོད་ཚོགས།
བློ་གཏད་བཀོད་ཚོགས་ནང་ གཤམ་གསལ་ཚུ་ཚུདཔ་ཨིན།:
བློ་གཏད་བཀོད་ཚོགས་ཀྱི་འཐུས་མི་བསྐོ་བཞག་དང་གནས་ཡུན།
ཀ༽ བཀོད་ཚོགས་ཀྱི་འཐུས་མི་ཚུ་ འཐུས་མིའི་གྲས་ལས་ གདམ་ངོ་བཏོན་ཏེ་ ཡོངས་ཁྱབ་ཞལ་འཛོམས་ནང་ཚོགས་བཞུགས་འཐུས་མི་ཚུ་གིས་ རྒྱན་བཙུགས་ཐོག་ལས་ ཕྱེད་མང་གི་གྲོས་ཆོད་ཐོག་ལུ་ བསྐོ་བཞག་གནང་དགོ།
ཁ༽ བསྐོ་བཞག་གྲུབ་པའི་འཐུས་མི་ཚུ་གི་ གནས་ཡུན་དེ་ ལོ་ངོ་ལྔ་ཨིན་རུང་ ལོག་སྟེ་གདམ་ངོ་བཏོན་ཏེ་ གདམ་འཐུ་གྲུབ་ཐོག་ལས་ ཡང་བསྐྱར་བསྐོ་བཞག་འབད་ཆོག།
ག༽ བློ་གཏད་བཀོད་ཚོགས་ཀྱི་ འཐུས་མི་ཅིག་གིས་ གཙོ་འཛིན་ལུ་ དགོངས་ཞུའི་ཡི་གུ་ཕུལ་ཏེ་ ཤུལ་མའི་ཡོངས་ཁྱབ་ཞལ་འཛོམས་ནང་ལས་ གནང་བ་གྲུབ་ཐོག་ དགོངས་ཞུ་འབད་ཆོག།
བློ་གཏད་བཀོད་ཚོགས་ཀྱི་དབང་ཚད་དང་འགན་ཁུར།
བཀོད་ཚོགས་འདི་ལུ་ གཞི་ཚོགས་འདིའི་ སྤྱིར་བཏང་སྲིད་བྱུས་དང་ ལས་རིམ་ ལས་སྣ་ཚུ་ གསར་བརྩམ་དང་ བསྟར་སྤྱོད་འབད་ནི་ལུ་ ལྟ་རྟོག་འབད་ནིའི་དབང་ཚད་དང་ འགན་ཁུར་ཡོད།