སྔས་ལུང་འབྲས་བཅགས་གླིང་གི་ལྷ་ཁང་འདི་དུས་རབས་ ༡༤ པའི་ནང་སྔ་འགྱུར་རྙིང་མའི་བསྟན་པ་ལུ་བཀའ་དྲིན་འགྲན་ཟླ་མེད་པའི་ཀུན་མཁྱེན་ཀློང་ཆེན་རབ་འབྱམས་ཀྱིས་མོན་ཐར་པ་གླིང་གིས་གཙོས་པའི་གདན་ས་གླིང་བརྒྱད་ཟེར་ཡོངས་སུ་གྲགས་པའི་ཡ་རྒྱལ་ལས་གཅིག་ཨིན། ལྷ་ཁང་འདི་སྒང་སྟེང་སྤྲུལ་སྐུ་རིམ་བྱོན་གྱི་གདན་ས་ སྒང་སྟེང་གསང་སྔགས་ཆོས་གླིང་གི་ཉེ་འདབས་ སྒང་སྟེང་རྒེད་འོག་གྱེན་ལ་གྱི་གཡུས་ཚན་ནང་ཆགས་ཏེ་ཡོདཔ་ཨིན། གཡུས་ཚན་འདི་ཀློང་ཆེན་རབ་འབྱམས་ཀྱི་གངན་ས་རྐྱངམ་ཅིག་མེན་པར་ ཀློང་ཆེན་རང་གི་སྐུ་སྐྱེས་ རིག་འཛིན་པད་མ་གླིང་པའི་ཡང་སྲས་གསུང་སྤྲུལ་དང་པོ་རྒྱལ་བ་བསྟན་འཛིན་གྲགས་པ་འཁྲུངས་ས་ཡང་གྱེན་ལ་གཡུས་ཚན་འདི་ནང་ཨིན་པས།
ལྷ་ཁང་འདི་རྙིང་ཤོས་གཅིག་ཨིན་པའི་གུར་ཉམས་ཆགས་སྦོམ་སྦེ་རང་ཤོར་ཡོདཔ་ལས་ སྒང་སྟེང་གསང་སྔགས་ཆོས་གླིང་གི་གཙུག་ལག་ཁང་ཉམས་བཅོས་ཞུཝ་དང་འབྲེལ་ཏེ་ སྐྱབས་རྗེ་སྒང་སྟེང་སྤྲུལ་སྐུ་རིན་པོ་ཆེ་གིས་བདག་རྐྱེན་ཐོག་ལས་ཉམས་བཅོས་ཞུ་བཞིན་པ་ཡོད།
ལྷ་ཁང་འདི་ནང་ལུ་ནང་རྟེན་གཙོ་བོ་རང་ ཀུན་མཁྱེན་གྱི་ཤང་ཁྲག་གིས་བྲིས་པའི་མ་གཟའ་དམ་གསུམ་གྱི་ཐང་ཀ་དང་། ཀློང་ཆེན་གྱི་ཕྱག་བྲིས་གུ་རུ་མཚན་བརྒྱད་ཀྱི་སྐུ་ཐང་ ཀུན་མཁྱེན་གྱི་ཕྱག་པར་ཅན་མ། ཀུན་མཁྱེན་གྱི་ཆིབས་རྟའི་ཚེམས། འདི་བཟུམ་སྦེ་རིག་འཛིན་པདྨ་གླིང་པའི་ལྕགས་ཀྱི་ཡོས་ཚུ་ཡོདཔ་ཨིན།
ལྷ་ཁང་ནང་ལུ་སྐུ་རྟེན་གྱི་གཙོ་བོ་གུ་རུ་དང་གཡས་ཁ་ཐུག་ཀུན་མཁྱེན། དེ་བཟུམ་སྦེ་གཡོན་ཁ་ཐུག་ལུ་རྒྱལ་བ་བསྟན་འཛིན་གྲགས་པའི་སྐུ་ཚུ་བརྗིད་ཉམས་ཆེ་ཏོག་ཏོ་སྦེ་མཇལ་ནི་ཡོད། དེ་ལས་དྲང་སྲོང་གི་མགོན་ཁང་ཚུ་ཡང་མཇལ་ནི་ཡོད།
ལྷ་ཁང་གི་ཉ་འདབས་གཡུས་ཚན་གྱི་ཟུར་ཁ་ཐུག་ལུ་ ཀུན་མཁྱེན་གྱི་ཕྱག་ཁར་མགོ་མཇུག་སྦེ་ག་ཅི་དེ་ཡ་མཚན་ཆེ་ཏོག་ཏོ་མཇལ་ནི་ཡོདཔ་མ་ཚད། དེའི་འོག་ལུ་དྲང་སྲོང་གི་གཟའ་ཆུ་དང་ཀུན་མཁྱེན་གྱི་གསང་ཆུ་ཚུ་ཡོད། དེ་བཟུམ་སྦེ་ལྷ་ཁང་གི་འོག་ལུ་རྒྱལ་བ་བསྟན་འཛིན་གྲགས་པའི་ཡབ་བཀྲ་ཤིས་དང་ཡུམ་བསམ་གཏན་བཟང་མོའི་སྐུ་གདུང་མཆོད་རྟེན་ཡང་མཇལ་ཚུགས། ལྷ་ཁང་འདི་ནང་ད་ལྟོ་སྒང་སྟེང་བཤད་གྲྭ་ལས་འཛིན་གྲྭ་དགུ་པ་མཐར་འཁྱོལ་མི་སློབ་དཔོན་གཉིས་ཀྱིས་ ལོ་བསྟར་སྐུ་མཆོད་འབུམ་སྡེ་དང་། ཉམས་བཅོས་ཀྱི་ལཱ་ཚུ་འབད་བཞིན་པ་ཡོད་ཟེར་ཞུ་ནི་ཨིན།
ལོ་བསྟར་སྐུ་མཆོད་འབུམ་སྡེ་ཡང་།
ཟླ་གཉིས་པའི་ཚེས་ ༡༠ ལུ་ཚེས་བཅུའི་ཚོགས་འཁོར།
ཟླ་གསུམ་པའི་ཚེས་ ༢༢ ལུ་རྒྱལ་བ་བསྟན་འཛིན་གྲགས་པའི་སྐུ་མཆོད།
ཟླ་ལྔ་པའི་ཚེས་ ༡༤ ལུ་དབྱར་གྱི་བསྐང་གསོ།
ཟླ་དྲུག་པའི་ཚེས་ ༤ ལུ་ཚོགས་འཁོར།
ཟླ་དགུ་པའི་ཚེས་ ༡༥ ལུ་དགུན་གྱི་བསྐང་གསོ།
ཟླ་བཅུ་གཉིས་པའི་ཚེས་ ༡༨ ལུ་ཀུན་མཁྱེན་གྱི་འདས་མཆོད་ཀྱིས་གཙོས་པའི་ ནམ་རྒྱུན་གྱི་གསོལ་ཁ་དང་། དུས་ཚོད་ངེས་པ་མེད་པའི་གཤིན་གསོན་གྱི་རིམ་འགྲོ་ཚུ་བཟུང་སྲོལ་ཡོད།
དགོན་པའི་བླ་མའམ་སློབ་དཔོན་གྱི་མཚན། བླམ་ཀུན་བཟང་རྡོ་རྗེ་དང་སློབ་དཔོན་པདྨ་རྡོ་རྗེ། སློབ་ཕྲུག་དང་མཚམས་པ་སོགས་མེད།
དགོན་པའི་བླ་མའམ་སློབ་དཔོན་གྱི་མཚན། བླམ་ཀུན་བཟང་རྡོ་རྗེ་དང་སློབ་དཔོན་པདྨ་རྡོ་རྗེ། སློབ་ཕྲུག་དང་མཚམས་པ་སོགས་མེད།
ལས་སྣ། དམིགས་བསལ་སྐྱབས་རྗེ་སྒང་སྟེང་རིན་པོ་ཆེའི་བཀའ་དགོངས་ལྟར་ དུས་ཅི་ལྷ་ཁང་གི་རབ་གནས་རྒྱས་ཤིང་རྒྱས་པ་དང་། ལོ་བསྟར་ཉིན་གྲངས་གསུམ་གྱི་ཚེས་བཅུའི་སྲོལ་བཙུགས་ནིའི་འཆར་གཞི་ཡོད།
འབྲེལ་ཡོད་ཀྱི་མི་ངོམ་དང་འབྲེལ་བ་འཐབ་ནིའི་དོན་ལུ་བརྒྱུད་འཕྲིན་ཨང་གྲངས། 17877546/ 77376298/ 17936201
