མོང་སྒར་གཏོར་མ་གཞོང་སངས་རྒྱས་ཆོས་གླིང་གཞི༌རིམ༌བཤད་གྲྭ་གཞི་བཙུགས་མཛད་ཚུལ་སྐོར།
སངས༌རྒྱས༌ཆོས༌གླིང༌བཙུན༌དགོན༌འདི༌ མོང༌སྒར༌ཆ༌འོགརྩ༌ཀ༌གླིང༌རྒེད༌འོག གཏོར༌མ༌གཞོང༌ཟེར༌ ས༌ཆ༌ཁམས༌དྭངས༌ ཏོག༌ཏོ༌ དང༌ཁུ༌སིམ༌སིམ༌ཅིག༌ནང༌ཆགས༌འདི༌ཡོདཔ༌ཨིན། དེ༌ཡང༌སྤྱི༌ལོ༌ ༢༠༡༠ ལུ༌སའི༌སྦྱིན༌བདག༌ཨ༌རྒས༌པདྨ༌དང༌ཨང༌རྒས༌ཡེ༌ཤེས༌ དེ༌ལས༌ གཡུས༌ཁའི༌རྒཔོ༌དང༌མི༌སེར༌རྒས༌ཤོས༌ཚུ༌གིས༌ སྒང༌སྤྲུལ༌སྐུ༌ཕྲེང༌དགུ༌པ༌སྐྱབས༌རྗེ༌ཀུན༌བཟང༌པདྨ༌རྣམ༌རྒྱལ༌མཆོག༌ལུ༌ ས༌གནས༌དེ༌ཁར༌ ཨ༌ནེ༌དགོན༌པ༌ཅིག༌གཞི༌བཙུགས༌གནང༌དགོབ༌སྦེ༌གསོལ༌འདེབས༌ཞུས༌པ༌ལྟར། སྐྱས༌རྗེ༌རིན༌པོ༌ཆེ༌མཆོག༌གིས༌ཡང༌སྤྱིར༌ སངས༌རྒྱས༌ཀྱི༌ བསྟན༌པ༌དར༌ཞིང༌རྒྱས༌ཐབས༌དང༌ བྱེ༌བྲག༌ས༌གནས༌འདིའི༌མི༌སེར༌གྱི༌ཕན༌བདེ༌ལུ༌དགོངས༌ཏེ༌ བུམ༌ཐང༌སྟངས༌པདྨ༌བཤད༌སྒྲུབ༌ཆོས༌ཀྱི༌ དགའ༌ཚལ༌གླིང༌བཙུན༌མའི༌མཐོ༌རིམ༌བཤད༌གྲྭ༌ནང༌ལས༌འགྱོ༌དགོབ༌སྦེ༌བཀའ༌གནང༌སྟེ༌ སྤྱི༌ལོ༌༢༠༡༣ ལུ༌ཨ༌ནེ༌སློབ༌དཔོན༌མ༌གཉིས༌དང༌ གཞི༌རིམ༌གཉིས༌པའི༌སློབ༌གཉེར༌བ༌ཚུ༌ས༌གནས༌དེ༌ཁར༌སྤོ༌བཤུད༌འབད༌དེ༌ སྔ༌ཕྱིའི༌ཁ༌ཐུན༌དང༌གཞུང༌རིག༌གནས༌ཚུ༌ལུ༌ སློབ༌སྦྱོང༌གནང༌ དང༌གནང༌བཞིན༌ཡོདཔ༌མ༌ཚད༌མི༌སེར༌ཚུ༌ལུ༌གསོན༌པོའི༌རིམ༌འགྲོ༌དང༌གཤིན༌པོའི༌དགེ༌རྩ༌སོགས༌ག༌ཅིའི༌ཐད༌ལས༌འབད༌རུང༌ཕན༌ཐོག༌བྱུང༌འདི༌ཡོདཔ༌ཨིན། དེ༌ལས༌སྤྱི༌ལོ༌ ༢༠༡༣ གི༌ལོ༌ཕྱེད༌དེ༌ཅིག༌ལུ༌སྐྱབས༌རྗེ༌རིན༌པོ༌མཆོག༌གིས༌ཐུགས༌འཚེར༌བ༌ལུ༌མ༌གཟིགས༌པར༌ བཙུན༌དགོན༌འདི༌ཁར༌སྐུ༌དངོས༌ཞབས༌ཀྱི༌བཅགས༌ཏེ༌ ལྷ༌ཁང༌གསར༌བཞེངས༌ཀྱི༌ལས༌འགུལ༌འགོ༌བཙུགས༌གནང༌ཞིནམ༌ལས། རྒེད༌འོག༌གི༌མི༌སེར༌དམངས༌དང༌སྦྱིན༌བདག༌དད༌ཅན༌ཚུ༌གིས༌རོགས༌རམ༌རྒྱབ༌སྐྱོར༌ལས༌བརྟེན༌ལྷ༌ཁང༌གི༌ཕྱིའི༌བཀོད༌པ༌བསྒྲུབས༌ཚར༌འདི༌ཡོད༌པའི༌ཁར༌ ནང༌གི༌རྟེན༌བཞེངས༌ནིའི༌ཐད༌ སྐྱབས༌རྗེ༌རིན༌པོ༌ཆེ༌མཆོག༌དང༌དད༌ལྡན༌གྱི༌སྦྱིན༌བདག༌ཚུ༌གིས༌མ༌དངུལ༌གྲོགས༌རམ༌གནང༌ཐོག༌ བསྒྲུབས༌ཡོདཔ༌ཨིན། སྤྱི༌ལོ༌ ༢༠༢༠ ལུ༌སྐྱབས༌རྗེ༌རིན༌པོ༌ཆེ༌དབུ༌བཞུགས༌ཐོག༌ལྷ༌ཁང༌རྟེན༌དང༌བརྟེན༌པ༌བཅས༌པར༌བསྒྲུབས༌པའི༌བཀྲ༌ཤིས༌ རབ༌རྒྱས༌པར༌གནང༌ནིའི༌འཆར༌གཞི༌ཡོད། དེང༌སང༌དགོན༌པ༌འདི༌ན༌སློབ༌དཔོན༌མ༌ ༢ དང༌སློབ༌ཕྲུག༌ ༡༦ བསྡོམས༌ཨ༌ནེ༌ཞལ༌གྲངས༌ ༡༨ བཞུགས༌འདི༌ཡོད༌ཟེར༌ཞུ༌ནི༌ཨིན།
ལོ་ལྟར་གནང་སྲོལ་ཡོད་པའི་ཆོས་ཕྱོགས་ཀྱི་སྐོར།
རང་ཟླ་དང་པའི་ཚེས་ ༣ ལུ་ལྷོ་གཏེར་གྱི་བདག་པོ་རིག་འཛིན་པདྨ་གླིང་པའི་འདས་མཆོད་ཀྱི་ཚོགས་འཁོར་དང་ཚེས་ ༥ ལས་ ༡༥ ཚུན་ སྤྱིར་འཛམ་གླིང་ཞི་བདེ་འབྱུང་ཐབས་ལུ་དམིགས་ཏེ་སྒྲོལ་མ་འབུམ་བསགས་ནི་ཡོདཔ་ཨིན། རང་ཟླ་ ༣ པའི་ཚེས་ ༡༠ ལུ་དཔལ་འབྲུག་ པ་རིན་པོ་ཆེ་ཞབས་དྲུང་ངག་དབང་རྣམ་རྒྱལ་འདས་མཆོད་ཀྱི་ཚོགས་འཁོར་དང་རང་ཟླ་ ༤ པའི་ཚེས་2༡༥2དུས་བཟང་ཁྱད་པར་ཅན་ལུ་དགོན་པ་དེའི་ཉེ་འདབས་ཀྱི་མི་སེར་ཚུ་གིས་སྦྱིན་བདག་མཛད་ཐོག་ལས་ཉིན་གཅིག་གི་ཚོགས་འཁོར་རྒྱས་པར་གནང་སྲོལ་ཡོད། རང་ཟླ་2༦2པའི་ཚེ2༤2ལུ་ཚོགས་འཁོར་ཉིནམ་གཅིག་དང་དེ་བཟུམ་སྦེ་རང་ཟླ་2༩2པའི་ཉེར་2༥2ལུ་ཡང་ཚོགས་འཁོར་ཉིནམ་གཅིག་བཏང་ནི་ཡོད།2དེ་ལས་ཟླ་རིམ་བཞིན་དུ་ཡར་ངོ་མར་ངོའི་ཚོགས་འཁོར་དང་དྲོ་པ་དང་ཕྱི་དྲོ་བསང་དང་བསུར་སྒྲོལ་ཆོག་དང་གསོལ་ཁ་ཚུ་ཨ་རྟག་ར་རྒྱུན་མ་ཆད་པར་བཏང་ནི་ཡོད༌ཟེར༌ཞུ༌ནི༌ཨིན།
