ང་བཅས་ཀྱི་སྐོར།

པད་གླིང་ཆོས་ཀྱི་དགའ་ཚལ་གཞི་ཚོགས་འདི་ སྲིད་འབྲེལ་དང་ཁེ་སང་མེད་པའི་ གཞུང་མིན་ཚོགས་པ་ཅིག་ཨིན། འདི་ཡང་ སྐྱབས་རྗེ་སྒང་སྟེང་སྤྲུལ་སྐུ་རིན་པོ་ཆེའི་དབུ་ཁྲིད་བཟང་པོའི་འོག་ལུ་ རྒྱལ་ཁབ་ཕྱི་ནང་གཉིས་ལུ་ཡོད་པའི་ ཡན་ལག་ཆོས་སྡེ་ ༼སྒོམ་སྡེ། བཤད་གྲྭ། སྒྲུབ་སྡེ། ཨ་ནེམོ་གྲྭ་ཚང་། ལྷ་ཁང་། དགོན་པ༽ ༤༣ ལྷག་ཙམ་ཡོད་མི་ཚུ་ བདག་སྐྱོང་ལམ་ལུགས་གཅིག་གི་མངའ་འོག་ལུ་ སྐྱོང་བཞག་ལེགས་པར་འཐབ་སྟེ་ གཞི་རྟེན་མཐུན་རྐྱེན་དེ་ཚུ་ དོན་སྨིན་ཅན་གྱི་སྒོ་ལས་ འཛིན་སྐྱོང་འབད་ཚུགས་པའི་དོན་ལུ་ཨིན། ད་རེས་ནངས་པར་ གཞི་ཚོགས་ཀྱི་ཡིག་ཚང་ལྟེ་བ་འདི་ རྒྱལ་ས་ཐིམ་ཕུག་ལུ་ གཞི་བཙུགས་འབད་དེ་ཡོད།